काठमाडौँ । प्रदेश २ मा ६४ जना कोरोनाभाइरसका नयाँ सङ्क्रमित थपिएका छन् । प्रदेश २ का सामाजिक विकास मन्त्रालयका अनुसार थपिएका ६४ जना सङ्क्रमितसँगै प्रदेश २ मा सङ्क्रमित हुनेको सङ्ख्या ६१३ पुगेको छ ।
मन्त्रालयका सचिव डा. रामप्रसाद घिमिरेले थपिएका नयाँ सङ्क्रमितमध्ये रौतहटमा २८ जना, धनुषामा २१ जना, सर्लाहीका १० र पर्साका पाँच जना छन् । रौतहटमा सङ्क्रमित भएकामध्ये दुर्गाभगवती क्वारेन्टाइनका ८ जना, गौर क्वारेन्टाइनका ११ जना हुन् ।
प्रदेश २ मा शनिबार ५७ जना नयाँ सङ्क्रमित थपिएको थियो । नयाँ थपिएका सङ्क्रमितसँगै प्रदेश २ मा कुल सङ्क्रमित हुनेको सङ्ख्या ६१३ पुगेको मन्त्रालयका सचिव घिमिरले बताउनुभयो । यसअघि शनिबार प्रदेश २ मा कुल सङ्क्रमितको सङ्ख्या ५४९ रहेको थियो ।
धनुषामा सङ्क्रमित फेला परेकाहरूमा जनकपुरधामस्थित गोपाल धर्मशालाको क्वारेन्टाइनमा रहेका नौ जनामा सङ्क्रमणको पुष्टि भएको हो । सङ्क्रमित सबै जना गत साता भारतका विभिन्न स्थानबाट आएका हुन् । त्यसैगरी, मुखियापट्टी मुसहरनिया क्वारेन्टाइनका ११ जना रहेका छन् । मुखियापट्टी मुसहरनिया भारतको बिहार राज्यको सीमासँग जोडिएको जिल्ला हो ।

प्रकाशित मिति: १८ जेठ २०७७, आइतवार १५:३८ बजे