नेपालमा काेराेनाबाट निकाे हुनेकाे सङ्ख्या ५ हजार नाघ्याे

काठमाण्डौ । नेपालमा कोरोना भाइरसकाे सङ्क्रमणबाट निको हुनेको सङ्ख्या पाँच हजार नाघेको छ ।
पछिल्लो २४ घण्टामा थप ६ सय ३४ जना निको भएर डिस्चार्ज भएसँगै कोरोनाबाट निको भएर घर फर्किनेकाे सङ्ख्या पाँच हजार तीन सय २० पुगेको स्वास्थ्य तथा जनसङ्ख्या मन्त्रालयले जनाएकाे छ ।
नेपालमा अहिलेसम्म दुई लाख ३५ हजार सात सय जनामा कोरोना परीक्षण भएको छ । पछिल्लो २४ घण्टामा मात्रै चार हजार पाँच सय ३५ जनाको पीसीआर विधिमार्फत परीक्षण भएको छ ।
यसैबीच सरकारले पीसीआर परीक्षणलाई बढाउन थप दुई वटा पीसीआर परीक्षण गर्न सक्ने प्रयोगशाला थप गरेको छ । यससँगै कुल २५ वटा प्रयोगशालाबाट पीसीआर परीक्षण हुने छ ।
प्रकाशित मिति: १८ असार २०७७, बिहीवार २१:५९ बजे