दाङ । दाङको निर्वाचन क्षेत्र नम्बर ३ को  ख मा प्रदेश सभा सदस्यमा नेकपाका उमेदवार बिमला वली  बिजयी हुनुभएको छ । उहाँ  निकटतम प्रतिद्वन्दी नेपाली कांग्रेसका केशवराज आचार्यलाई ५१०४ मतले पछि पार्दै वली बिजयी हुनुभएको  हो ।

उहाँले मत २४ हजार २८६ प्राप्त गर्नुभएको छ भने उहाँका प्रतिद्वन्दी नेपाली कांग्रेसका उमेदवार आचार्यले १९ हजार १८२मत प्राप्त गर्नुभएको छ ।  वली स्वर्गीय प्रदेश सभा सदस्य उत्तरकुमार वलीका धर्मपत्नी हुनुहुन्छ ।

बिहान साढे ९ बजे जिल्ला समन्वय समिति दाङको सभाहलमा भएको मतगणना राति १२ बजे सकिएको हो । मतगणना शान्तिपूर्ण रूपमा भएको थियोे ।

प्रदेशसभा सदस्यकाका लागि  दाङ क्षेत्र नं। ३९२० मा ६८ हजार ७१९ मतदाता मध्ये  ४५ हजार ३ सय १ ले मतदान खसेको थियोे  । प्रदेश सभा सदस्यका लागि भएको उपनिर्वाचनमा ७९७ मत बदर भएको छ ।

प्रकाशित मिति: १६ मंसिर २०७६, सोमवार ०७:१९ बजे