धुलिखेल । धुलिखेल नगरपालिकाको वडा नम्बर ११ पात्खेतमा ढुंगे बगैँचा निर्माणको लागि सिलान्यास भएको छ । धुलिखेल ११ पात्लेखेतको राम्चे चौरमा बन्ने ढुंगे बगौँचाको नगर प्रमुख अशोक ब्याञ्जुले शिलान्यास गर्नुभएको छ ।

उक्त बगौँचा निर्माणको लागि धुलिखेल नगरपालिकाले ५ लाख, डिभिजन वन कार्यालय धुलिखेलको ५ लाख र उपभोक्ता समितिको २ लाख गरी १२ लाख रुपैयाँ लागतमा निर्माण हुन लागेको हो । उक्त कार्यक्रममा बोल्दै धुलिखेल नगरपप्रमुख अशोक व्याञ्जुले नगरपालिकापालिका भित्र नगरपालिकाको विभिन्न ठाउँमा गरी ४० वटाभन्दा बढी पार्क निर्माण भइसकेका बताउनु भयो ।

बगैँचा शिलान्यास कार्यक्रममा उपप्रमुख बिमला शार्मा, वडा नम्बर ८ का वडाध्यक्ष एवं पूर्वाधार विकास समितिका सभापति निराजन जंगमन, ११ नम्बरका वडाध्यक्ष विष्णु काभ्रेली लगायत सहभागि भएका थिए । बगौचा चालु आर्थिक वर्षभित्रै निर्माण गरिसक्ने तयारी रहेको जानकारी दिनुभयो । बगौँचा बालमैत्री हुनेछ । वडा नम्बर ५ र १० मा पनि नगरपालिका र डिभिजन वन कार्यालय धुलिखेलको सहयाेगमा बाल उद्यन बनिरहेको छ ।

प्रकाशित मिति: ३ असार २०७७, बुधवार १४:०५ बजे