धुलिखेल । धुलिखेल नगरपालिका वडा नम्बर १० सारदाबतासेको फस्कोटमा बुद्ध पार्क शिलान्यास भएको छ । धुलिखेल नगरपालिकाको फस्कोटमा आज एक कार्यक्रमकाबीच प्रमुख अतिथि धुलिखेल नगर प्रमुख अशोक व्याञ्जुले पार्कको शिलान्यास गर्नुभएको हो । उक्त पार्क १६ लाख लागतमा निर्माण हुने वडा अध्यक्ष पुष्पराज राउतले जानकारी दिनुभयो ।

धुलिखेल नगरपालिका र वन कार्यालय काभ्रेको आर्थिक सहयोगमा बुद्ध पार्क बन्न लागेको हो । यस्तै पार्क नगरपालिकाको वडा नम्बर ११ , ४ र ५ मा पनि निर्माण हुनेछ । धुलिखेल नगरपालिकाको सम्पूर्ण वडाहरुमा बालमैत्री पार्क निर्माण गरिएको छ । धुलिखेल नगरपालिकाको पार्क निर्माण अभियानअन्तर्गत यस वडामा पनि अन्य पार्कहरु निर्माण भएका छन्। उक्त पार्क बालबालिका बस्न र खेल्न मिल्ने खालका हुनेछन् । उक्त पार्क शिलान्यास कार्यक्रममा बोल्दै नगरप्रमुख अशोक व्याञ्जुले नगरपालिकाले विभिन्न जातजातिको सस्कृति संरक्षण गर्ने उद्देश्यले धुलिखेल नगरपालिकाले अगाडि बढेको कुरा बताउनु भयो। यसैगरी अन्य वडाहरुमा पनि पार्कहरु निर्माण गर्ने कार्यलाई तीब्रता दिने कुराकोपनि जानकारी नगरप्रमुख अशोक व्याञ्जुले दिनुभयो ।

प्रकाशित मिति: ६ असार २०७७, शनिवार २१:३७ बजे