धुलिखेल । धुलिखेल नगरपालिका वडा नम्बर ५ श्रीखण्डपुरमा बालमैत्री पार्क शिलान्यास भएको छ । धुलिखेल नगरपालिकाको श्रीखण्डपुरमा आज एक कार्यक्रमकाबीच प्रमुख अतिथि नगरप्रमुख अशोक व्याञ्जुले पार्कको शिलान्यास गर्नुभएको छ । उक्त पार्क १० लाख लागतमा निर्माण हुने वडा सदस्य प्रमोद सुन्दर श्रेष्ठले जानकारी दिनुभयो ।

नगरपालिका र डिभिजन वन कार्यालयको आर्थिक सहयोगमा बालमैत्री पार्क बन्न लागेको हो । यस्तै पार्क नगरपालिकाको वडा नम्बर ११ र ४ पनि निर्माण हुनेछ ।धुलिखेल नगरपालिकाको सम्पूर्ण वडाहरुमा बालमैत्री पार्क निर्माण गरिने अभियानअन्तर्गत यस वडामा पनि अन्य पार्कहरु पनि निर्माण भएका छन्। उक्त पार्क बालबालिका बस्न र खेल्न मिल्ने खालका हुनेछन् । उक्त पार्क चालु आर्थिक वर्षभित्रै निर्माण सकिने जानकारी दिनुभयो ।यसैगरी अन्य वडाहरुमा पनि पार्कहरु निर्माण गर्ने कार्यलाई तीब्रता दिने कुराको जानकारी नगरप्रमुख अशोक व्याञ्जुले दिनुभयो ।

प्रकाशित मिति: २६ जेठ २०७७, सोमवार २१:४८ बजे