नेपाल सरकारले स्थानिय तहको निर्वाचन बैशाख ३० गते घोषणा गरे सँगै राजनितिक दलहरु नगर तथा वडा केन्द्रित कार्यक्रमहरु र उम्मेदवारी चयनमा ब्यस्त छन् ।

नेकपा एमाले धुलिखेल ३ नं वडा कमिटिले सर्वसम्मत वडा अध्यक्ष तथा वडा सदस्यका उम्मेदवारहरु चयन गरि सकेको छ र आज बसेको वडा कमिटिको पूर्ण बैठकले निर्वाचन केन्द्रित भएर कार्यक्रमहरु तय गरेको छ आगामी बैशाख ३० गते सम्मको घरदैलो अभियानको तालिका बारेमा छलफल गर्दै तालिका बनाएको छ त्यस संगै वडा कमिटिका अध्यक्ष हिरा बहादुर तामाङको संयोजकत्वमा ३०१ जनाको मुल निर्वाचन परिचालन कमिटि गठन गरेको छ ।

निर्वाचनलाई लक्षित गर्दै वडा कमिटिले कमिटिका सचिव जिवनाथ पराजुलिको संयोजकत्वमा २१ सदस्यि प्रचार प्रसार समिति गठन गरेको छ भने सम्पूर्ण आर्थिक गतिविधि एक द्घार प्रणालीबाट गर्ने योजनाका सहित नेकपा एमाले धुलिखेलका यूवा नेता सिवि तामाङको संयोजकत्वमा आर्थिक समिति गठन गरेको छ । बैठकमा आफ्ना भनाईहरु राख्दै नेकपा एमाले काभ्रे जिल्ला कमिटिका सचिवालय सदस्य बिनोद पराजुलिले सम्पूर्ण नेता कार्यकर्ता तथा संगठित सदस्यहरुलाई निर्वाचन केन्द्रित भएर गतिविधिहरु गर्न निर्देशन दिनु भएको छ ।

नेकपा एमाले धुलिखेल ३ नं वडा कमिटिले सर्वसम्मत वडा अध्यक्ष सहित सदस्यहरु समेत चयन गरिसकेको छ ।

वडा अध्यक्ष :- गणेश आचार्य

महिला सदस्य :- सन्जु तमाङ

दलित महिला सदस्य :- रिता बराईली

खुल्ला सदस्य :- हिरा बहादुर तामाङ

खुल्ला सदस्य :- सुवास अधिकारी

प्रकाशित मिति: ७ वैशाख २०७९, बुधवार १६:१४ बजे